ايه رأيكم في حذف المنتدى؟؟؟

ازيكم يا جماعة وكل سنة وحضراتكم بخير وصحة وسعادة انقضى رمضان سريعااااااااااا وصدق الحق سبحانه وتعالى انها ايام معدودات
يااااااااااااا رب نكون كلنا اعتقنا من النيران ببركة الشهر الكريم اللهم امين يااااااااا رب العالمين وعيد سعيد علينا والامة الاسلامية ان شاء الله

طيب ندخل في الموضوع بقى ايه رأيكم في حذف المنتدى؟؟؟ 373852

........بصوا يا جماعة انتم عارفين طبعا ان كلكم اخواتي واصحابي يعني والمنتدى دلوقتي بتاعكم كلكم
علشان كدة انا عايزة افضفض معاكم شوية بجد لما المنتدى ده اتعمل كان سببه ان اكيد كلنا بنحب ربنا وبنحب دينا وبلدنا ونفسنا نعمل حاجات كتير مفيدة
وكلنا بنقعد ادام النت كتير ليه مش نستغل الوقت ده في حاجة كويسة ...........قلنا المنتديات كتير والهادف منها موجود
تمام صح ما فيش مشاكل بس حاجة من اتنين يا اما منتديات كبيرة ومفيدة وعملية بس انا عن نفسي كنت بتوه فيها من روعتها زي منتدى استاذ عمرو خالد واستاذ مصطفى حسني ما شاء الله روووووووووعه
يا اما منتديات عاديةو جميلة ايوة بس مش عملية يعني ايه ده كله وايه لازمة الرغي ده ؟ معلش استحملوني شوية

بصوا يا جماعة احنا كلنا بنتكلم الناس بتتكلم في كل مكان كلام كلام كلام وووووووووووووووبس معقولة ؟ اينعم الكلمة سلاح مفيد وحاجة كويسة مش قلنا حاجة بس مش ده الحل الوحيد ان دايما نتكلم وبس . صراحة دا رايي
هاكون صريحة معاكم كتير مننا بيكسل يقرأ الموضوعات وخصوصا لو طويلة وغالبا بتكون دي المفيدة
قلنا خلاص نغير احنا وليه لا يعني دا احنا حتى امة محمد صلى الله عليه واله وصحبه وسلم اللي رسالته غيرت تاريخ البشرية على وجه الارض
المهم خلاص
بيقولوا نسمع محاضرات ونناقشها
نعمل مشروعات عملية بسيطة ومفيدة زي ما عملنا اعرف تاريخنا كدة ومساعدتكم كلكم خلته ظهر بشكل كويس الحمد لله فربنا يجازينا خير عليه
وكان نفسي يبقى فيه افكار تانية وتانية وكتيييييييييييييير اوي نقابل بيها ربنا اننا امة عمل مش كلام المهم الحمد لله رب العالمين على كل حال

علشان كدة يا جماعة عايزة اسألكم سؤال؟
حضراتكم شايفين ان الموقع ليه لازمة ولا بنضيع فيه وقتنا وخلاص ؟
وكمان حققنا حاجة فيه يعني في حد لما دخله كان نفسي يعمل حاجة وعملها ؟
وبجد هل فعلا استفدنا منه ولا لا؟
نظرتكم المستقبلية للمنتدى ان شاء الله ايه؟ هل حد فينا حاطط نية كبيرة انه يعمل من خلاله حاجة لو شاء الله واستمر ؟
واخيرااااااااااااااااااااااااااا ايه رأيكم لو حذفنا المنتدى وقفناه يعني خالص ؟ يهمني طبعا رأيكم في النقطة دي بالذات لانكم بذلتم مجهود خرافي هنا حرام بجد لما اضيعه من غير ما اخد رأيكم
يا جماعة بالله عليكم تفهموا كلامي صح وياااااااااا رب مش يتفهم غلط انا بس مش عايزة اضيع وقت حد على الفاضي يعني لو مش بنستفيد ومش بنحقق الهدف اللي المنتدى اتعمل عشانه اعتقد انه يبقى حرام عليا اضيع وقت حضراتكم هباء
يا ريت تشاركوني برأيكم المرة دية

وفي النهاية يا جماعة انا بجد باشكركم جدا جدا جدا جدا كلكم بلا استثناء لانكم
بجد عملتوا حاجات كتييييييييييييييييير اوي جميلة مش هاقول علشان الموقع
لا هاقول علشان ربنا .......فيا رب ربنا يجعله في ميزان حسناتكم ان شاء
الله ويجازيكم خير عليه باذن الله
وعايزة اخص بالشكر حبيبات قلبي واخواتي في الله لينا وجومانة وحياء ولؤلؤة
ودرة وشهيدة وبريتي روز وجيني وجيلان وهيرو ايه رأيكم في حذف المنتدى؟؟؟ 514463

بجد انتم شخصيات رائعة
واجمل حاجة طلعت بيها من الموقع هو انتم ربنا يجمعنا في الجنة ان شاء الله

ايه رأيكم في حذف المنتدى؟؟؟ 832786

معلش بقى وسامحوني على الاطالة احبكم في الله

ايه يا بنات اعتبر عدم ردكم موافقة ولا رفض ولا ايه بالظبط مش فاهمة ؟؟
عموما كل سنة وانتم طيبين ايه رأيكم في حذف المنتدى؟؟؟ 184440

رفضضضضضضضضضضضضضضضضضضضضضضضض
سؤال غير مقبول اساسا
واصبرى لحد الجهاز ما يتظبط بس وانا مش هسكت

» شجرة المنتدى
» مشروع حفظ القران (هنا على المنتدى)