حتى تكون أسعد الناس(1)

السلام عليكم ورحمة الله وبركاته

أنا مش عارفة أبدأ ازاي بس اللي أنا و واثقة منه إني بحبكم قوي قوي عشان كده اخترت المنتدى ده وقلت هبدأ منه
لأن كل اللي نفسي فيه أساعد في تغيير على الأقل شخص واحد . أنا عارفة إني شخص واحد، وأنا بشر وممكن أغلط .
بس أنا نفسي فعلا نمسك بإيد بعض،نساعد بعض على الرقي في الدين،نشوف الخطأ فين و نصلحه....

عشان كده أنا هعمل مواضيع بسيطة تناقش حاجات في حياتنا ، نحاول نقنع بعض بالصح في سلسلة هسميها (حتى تكون أسعد
الناس) و أتمنى قبل ما أبدأ توعدوني إني لو غلطت تصلحولي
ولو عندكوا إضافة كملوا عليا
وانتو عارفين إن إيد واحدة ما تصفقش ولكن بإدينا كلنا هنهز الدنيا.

آسفة على الإطالة ، وأول موضوع هبدأ بيه هو (الحجاب)
خلينانتكلم بصراحة أنا همسك الحجاب من الرأس إلى القدمين..
أولا/ تغطية الرأس
يا جماعة إحنا بنفكر إزاي إيه مفهوم الحجاب الشرعي عندنا؟ إحنا مأمورين بتغطية الشعر بالكامل،أما حكاية السبانش
وجزء من الشعر طالع فهي غلط يا جماعة.. نقنع بعض
لما جزء من الشعر بان وضح -نوع الشعر،لون الشعر- ادي الحاجات اللي مفروض الحجاب يسترها يبقى عملنا إيه؟ صح؟؟؟
وبعدين الشعر زينة المرأة فلما يتكشف يبقى طلعت أجمل حاجة فيك
أما السبانش فهو بيبين رقبتك وفي الغالب جزء من الأذن وهو من الحاجات اللي ما فيش اختلاف بين العلماء علي وجوب سترها
وبعدين بالبلدي كده هو من المواضع اللي بتفتن الشباب فاحنا لازم نستره.
ثانيا/ الصدر
بصراحة الصدر من أهم الفتن وخصوصا الستايلات اللي طالعة جديد بتبرزه بأسلوب مغري بطريقة فظيعة يا جماعة ممكن
تلبسو الستايلات دي لكن عشان خاطري البسي عليه طرحة طويلة -( وليضربن بخمرهن على جيوبهن)-
الجيوب هي الصدور و ما حواليها
هسألك سؤال إنت بتحبي ربنا ؟؟ يا ترى بتخافي على جسمك ؟؟ إنت ردي
ثالثا/ الذراع
منتشر جداااااا بطريقة لا تخفى على أحد لبس البدي و بالذات الكارينا .
هو غلط من ناحيتين , ضيق جدا ومن أهم شروط الحجاب الشرعي *أن يكون فضفاضا واسعا*
من ناحية أخرى إنه شفاف *المفروض إنه لايصف لا يشف*
وفي كل الحالات بيبين ما تحته من ملابس.....(انتو كملوها)
رابعا/ الوسط (الخصر)
يا ترى إنت تخيلك إيه؟؟ بيلفت الانتباه ولا لأ ؟؟؟
طيب لو زدنا حزام عليه وخصوصا لما ينزل تحت الوسط شوية مش هيبقى أحلى ؟
إحنا ليه بنخلي أجسادنا فتنة للي رايح واللي جاي ؟ ليه بنشمت أعداء الإسلام فينا؟؟
المرأة في الإسلام جوهرة الإسلام عايز يحافظ عليك زي ما إنت بتحافظي على مجوهراتك و تشيليها في أأمن مكان
خامسا/ الفخذ و الساق
لبس البنطلون الضيق وعليه بلوز أو هاف قصير أو ضيق , فكري كده فرقت إيه عن اللي مبينةرجلها عادي غير إن اللون اتغير
يا جماعة إنت جسمك كله عورة ما عدا الوجه والكفين -عليهم اختلاف- كلك فتنة
عايزه تعرفي فتنة إزاي ؟ اسألي شاب محترم لسه ماتجوزش -أخوك أو ما شابه- وهتعرفي إزاي ده بيأثر عليهم
هسأل سؤال أخير لو معاك 100ألف هل هتطلعي بيها في الشارع وهي مكشوفه ولا هتخبيها؟
هل جسمك أرخص عليك من100ألف (ثمني جسمك بكام*المفروض ما فيش سعر يتمنه*)
أنا هنزل روابط لحلقتين من خدعوك فقالوا عن الحجاب يمكن الداعية مصطفى حسني طريقته محببه أكثر .
وفي الآ خر هطلب طلب صغير ياريت تنفذوه و لكم الأجر إن شاء الله
ياريت تحملو الحلقتين على سي دي وتقدموها على الأقل لبنت واحدة محتاجه تسمعه و احتسبوا الأجر

[/b]

http://rapidshare.com/files/159856348/Khadaouk_Fakalou_2_EP4.rmvb

http://rapidshare.com/files/157312656/Khadaouk_Fakalou_2_EP3.rmvb

بداية بارحب بيكي يا لؤلؤة معانا في المنتدى بجد مكسب كبير لينا كلنا
تاني حاجة حابة اشكرك بجد على فكرة السلسلة اللي ناوية تقدميها لو كلها بنفس الاسلوب ده
اكيد هتكون جميلة جدا ومفيدة لان اسلوبك فعلا ما شاء الله بيوصل القلب ما شاء الله
ندخل بقى على الموضوع انا هاقولك حاجة بجد النوع ده من الحجاب بقى هو الموضة فعلا والناس بقت بتبصله على انه هو العادي والطبيعي للاسف الشديد غير دارين انه هو يمكن سبب لمشاكل كتييييييييييييييير لا ليها اول ولا اخر
بجد لو جربنا مرة كدة وكل الناس التزمت في حجابها حاجات كتيييييييييييير اوي هتتغير
يلا ربنا يهدينا وكل المسلمين يااااااااااا رب
باعتذر عن الاطالة
وجزاكم الله خيرا

جزاك ربي جنته أختي

موضوع مهم جدا وواقعي للغاية بطرح مميز

بورك فيك أختي

أظنك داعية متميزة

نفع الله بك

أجمل ما في مقالك هو الواجب العملي

الدرسين اللي وصيتي بنشرهما هما فعلا كنا منزلينهم

لاننا كنا عاملين سي دي اسمها أختاه

ووزعناها لدفعتنا

كان عليها حاجات كتير

اناشيد وفلاشات ومقاطع مؤثرة وخطب ومقالات

مليناها حاجات

دي السي دي بجنيه أد الدنيا باردوا

المهم انا بقول كده ليه ؟؟؟

لو انتوا بجد ناويين ننفذ الواجب العملي يبقى ادور على طريقة

اوصل ليكم السي دي

علشان نعمل مع بعض حملة نوزع سي دي

ولو لعدد قليل جدا ممن حولنا ونشعور ان الحجاب بتاعهم غير متوفر فيه الصفات الشرعية

لا يصف ولا يشف ولا زينة في ذاته ليس لباس شهرة ولا يشبه ملابس الرجال

لو عملنا كده يبقى بجد اخدنا خطوة كبيرة قبل رمضان

والله المستعان

موضوع جميل من لؤلؤتي ورد أجمل من نوراتي نور الإسلام

فكرة جميلة يا حياء ان شاء الله عن نفسي عايزة السي دي ده
ان شاء الله لما اشوفك في الكلية اخده منك ماشي يا جميل ولا هتبخلي عليها بيه؟
ممكن كمان تعملي بالفكرة موضوع في مشروعاتنا علشان الكل يشوفها ويضع عليها اضافاته
وربنا يكرمنا جميعا ويوفقنا لما يحب ويرضى

وجزاكم الله كل خير ونفع بكم واستعملكم في الخير

عدد المساهمات : 21 تاريخ التسجيل : 16/07/2009

بسم الله الرحمن الرحيم

الموضوع جميل جدا يا لؤلؤة جزاك الله كل خير
فعلا فى كثير من الناس عندهم مفاهيم غلط فى الدين
بجد نفسنا نصلحها
ولازم كل واحد يبدا بنفسه وبالناس اللى حوليه
وربنا يهدى كل البشر

خلاص يا نوارتي

انا ممكن انزل الفيوم بعدبكرة

لو اكيد هنزل هبلغك واجيبها معايا

والله المستعان

النهاردة كنت مع اصحابي واخواتي في الله شهيدة ولؤلؤة ( فاكراهم يا نور )

اختين من المنتدى اللي وقع (ميدفيوم)

وقلت لهم على المنتدى هنا وهبعت لهم الرابط

بإذن الله والله المستعان

اه طبعا فكراهم يا باشا
واكيد هينوروا المكان هنا
بس ايه رأيك لو ترفعهي السي دي على موقع رفع وتنزليه هنا في المنتدى في موضوع وكل الناس تنزله ونوزعه ونستفيد ان شاء الله لو مش هتقدري ابعتيهالي على الميل attach
وان شاء الله هتصرف واحطها على موقع الرفع
وجـــزاكم الله خيرا

أحاول ابعتها

بس ما اضمنش لان خبرتي النتية

زيرو كبيـــــــــــــــــــــــــــــــــــــر

بس هحاول والله المستعان

» حتى تكون أسعد الناس(2)
» حتى تكون أسعد الناس (3)
» حتى تكون أسعد الناس (4)
» كيف تصبح محبوب بين الناس؟